C朗入波慶祝被水樽掟中　仲要有可樂

joemalee · 發表於 2021-6-25 06:36:03

歐國盃周四(24日)凌晨嘅葡萄牙同法國經典一役，C朗「起孖」幫葡萄牙追平，攞到出線資格，可以繼續佢哋嘅衞冕之路，不過，佢嘅入波卻受到生命威脅，有法國球迷就喺看台上向佢掟水樽，更掟中佢頭部。

C朗射入第二個波之後，開心走到場邊慶祝，但忽然看台上有人向佢掟水樽，更加掟中咗呢位葡國球星，C朗當然好嬲，跟住摸一摸個頭，仲怒睥台上嘅球迷，但好快就同隊友繼續慶祝，而當場發現掟落嚟嘅仲有可樂樽，似乎C朗同可樂嘅關係沒完沒了。

此外，比賽期間又有觀眾走入球場，目標又係C朗，佢想走近啱啱入波嘅C朗，而意圖係善意或是惡意就不得而知，但當場保安好快就將呢位球迷帶走，免有危險事情發生。