西班牙足總不滿安歷基　擔心球迷離棄國家隊

joemalee · 發表於 2021-6-22 23:01:23

西班牙喺今屆歐國盃目前踢咗兩場只得兩分，出線形勢未太樂觀，有傳媒指西班牙足總擔心嘅唔係狂牛嘅成績，而係球迷離棄國家隊。

據西班牙足總一位消息人士指，相比起球隊嘅勝負，足總最擔心係球迷離棄，而佢哋高層不滿主帥安歷基，甚至內部開始傾想換帥嘅可能；據《阿斯報》指西班牙足總喺多方面對安歷基都唔滿意，甚至追到2018年世界盃前。

西班牙足總擔心球迷會慢慢遠離或者排斥國家隊，都係因為安歷基嘅「一言堂」，根本唔聽公眾嘅意見。而且西班牙隊嘅更衣室都有不和因素，有球員覺得唔公平，如果西班牙未來仲唔踢好啲，相信安歷基好快被「落鑊」。