|
|
周日(13日)凌晨歐國盃B組，爭標熱門之一嘅比利時憑盧卡古梅開二度，以及梅尼亞建功，以3比0擊敗俄羅斯，順利旗開得勝。
開波10分鐘，俄羅斯中堅施美安洛夫解圍失誤，盧卡古把握機會，喺禁區內轉身抽射入網，為比利時打開紀錄。呢位國米射手入波之後，衝向攝影機大叫：「Christian，I love you」向較早時間喺比賽之中一度昏迷嘅丹麥中場兼國際米蘭隊友基斯甸艾歷臣打氣。
雖然俄羅斯之後積極反擊，可惜馬里奧費南迪斯飛頂，被門將泰拔高圖爾斯接住，最不幸係2位左路球員施哥夫、古斯耶耶夫上半場已經傷出，打亂部署。
踢到27分鐘，比利時亦有右中場卡斯泰尼傷出，由梅尼亞入替，呢位效力多蒙特嘅右閘上陣僅7分鐘，把握俄羅斯門將蘇連撲救失誤，射入空門。
換邊之後，比利時放慢比賽節奏，球星夏薩特72分鐘後備上陣，但冇乜建樹。去到88分鐘，梅尼亞直傳，盧卡古半單刀射入，協助比利時大勝3比0。
|
|
在線雷達
發表於 2021-6-13 08:44:28
廣播
置頂
超級提昇
強效提昇
推舊帖
收嗲鳥
油顏色
發表於 2021-6-13 19:01:53