《聲夢》姚焯菲千呎豪宅曝光閨房貼滿BLACK PINK海報勁少女

GIRLAV · 發表於 2021-6-9 16:37:52

無綫節目《聲夢傳奇》現正熱播，近日多位選手嘅演出更備受網民喜愛，其中現年16歲嘅炎明熹（Gigi）翻唱林憶蓮經典作《沒有你還是愛你》嘅片段，更在短短半個月觀看次數突破110萬，勢頭強勁！而Gigi亦有於網上發文答謝大家支持，其實原名王佳恩嘅佢中學時期已係歌唱比賽常客，曾在《沙田超新聲歌唱大賽2018》及中學大專歌唱比賽等勇奪冠軍，實力非同小可。

至於另一位彈起嘅選手就係14歲巨肺姚焯菲（Chantel），佢翻唱陳百強歌曲《戀愛預告》嘅片段，亦喺上架短短4日已高達75萬觀看次數，並穩佔影片平台熱門榜第1名。其實佢家境不俗，家住千呎豪宅，早前節目組突擊其香閨，見環境闊落，客廳及飯廳都相當寬敞，而佢嘅閨房則以粉紅色為主，少女味十足，並放滿韓國女團BLACK PINK嘅海報及週邊商品，佢絕對係BLACK PINK忠實粉絲。