奇雲迪布尼周一歸隊 趕得切踢歐國盃

joemalee

在歐聯決賽受傷嘅比利時中場奇雲迪布尼，經過喺眼窩嘅小手術後已無大礙，比利時主帥馬天尼斯透露佢將會周一(7日)歸隊，準備即將開打嘅歐國盃。

早前都擔心奇雲迪布尼可能會錯過部份歐國盃賽事，但馬天尼斯就派定心丸，佢話呢次只係一個小手術：「手術好順利，相當正面，我哋期待佢禮拜一歸隊，呢次手術只用咗20分鐘，醫生對結果亦好滿意，佢唔需要太長時間嘅恢復。」

比利時周日會同克羅地亞進行最後一場熱身賽。下周六(12日)就會踢第一場歐國盃對住俄羅斯，而同組仲有丹麥及芬蘭。

LasCases

好彩無乜大問題。