尼馬遭兩球迷飛剷！被搶走一隻鞋

joemalee

巴西即將在世盃外主場迎戰厄瓜多爾，球隊難得夫添，自然吸引大批球迷聚集追星，喺巴西駐紮酒店有突發事件，兩名球迷衝出警界線，向巴西王牌尼馬施展「飛剷」，事後尼馬被搶走一隻鞋，要一拐一拐步返酒店。

有球迷將事發經過放上網，見到巴西球員結束訓練，乘大巴回程，陸逐落車步返酒店畫面，尼馬現身一刻，突然有兩名球迷衝上前，施展後衞攔截嘅「飛剷」，將尼馬剷跌，現場保安立即上前救援，將球迷分開，尼馬脫身後快步離開，但見佢一拐一拐，原來係被搶鞋。

報道指，兩名球迷都係青少年，其中一位15歲少年表示：「其實我係尼馬擁躉，因為身體太瘦可以穿過圍欄，一見到偶像就衝埋去，但唔小心跣倒，結果變成『飛剷』！」

LasCases

佢算老幾。