賓特拿宣布退休 考教練牌要做出色領隊

joemalee

丹麥著名球星賓特拿自2019年離開哥本哈根後，一直未有再踏足職業賽事，呢位33歲球星周四(3日)接受《Discovery+》節目訪問，正式宣布結束球員生涯，不過「中堅賓」表明唔會就咁告別足球壇，自爆依家已經上緊教練堂，希望將來可以成為頂級領隊。

曾效力過阿仙奴、祖雲達斯同禾斯夫堡等勁旅嘅賓特拿，喺訪問入面宣布：「我每日都好掛住足球，但我知呢份職業會有完結嘅一日，我要時間去明白呢一日已經到臨。我成世人都係踢波，突然之間變成局外人，我仲有好多嘢想做，但因為疫情關係而做唔到，足球帶畀我嘅嘢係其他地方唔會搵到。」

曾81次代表丹麥國家隊上陣嘅賓特拿，表明會向教練方向發展：「足球佔據我大部份人生，我唔會就咁離開，所以我已經上緊教練堂，希望可以繼續為足球奉獻，甚至比做球員奉獻得更加多。」

LasCases

最強中堅。