等埋2場歐戰決賽 英格蘭延期點兵

joemalee

英格蘭領隊修夫基原定周二(25日)公布歐國盃26人大軍名單，不過依家計劃有變，由於陣中出現多名傷兵，加上曼聯、曼城同車路士今個星期分別出戰歐霸同歐聯決賽，因此英格蘭足總決定周二先公布一份人數更多嘅初選名單，到6月1日先至決選最後26人。

效力般尼嘅門將尼克普比因膝傷做手術，將會錯過歐國盃決賽周，佐敦軒達臣、哈利馬古尼同基亞利殊等都受傷患困擾，加上坐擁差唔多半隊英格蘭嘅曼聯、曼城同車路士都要踢歐洲賽決賽，為免點兵後先至再有意外變數，修夫基決定周二會先公布一份初選名單，再視乎傷兵情況進行決選。

無點人物係右閘阿歷山大阿諾特，據報呢位利物浦球星將會係畀修夫基放棄嘅最爭議人物，消息指佢莫講話入唔到26人大軍，就連初選名單都未必有份。英格蘭6月1日點兵後，將會喺6月2日同6日對奧地利同羅馬尼亞作為賽前熱身。

LasCases

都係等等。