死神回歸？利物浦準備平簽藍斯

joemalee · 發表於 2021-5-22 07:58:30

外號「死神」嘅威爾斯國腳艾朗藍斯，來季有機會重返英超，英國傳媒報道，利物浦已經睇中藍斯，而祖雲達斯亦準備將佢送走，如果一切順利，利物浦只須1000萬鎊就可得到呢位30歲中場。

艾朗藍斯之前效力阿仙奴長達11年，直至2019年約滿後離隊轉投祖雲達斯，轉會兩季上陣65場入6球，一直都係後備，祖記來季大換血，藍斯勢必成為被清洗對象，依家利物浦想簽佢，真係啱啱好。

由於祖記當年係以自由身簽入藍斯，今次放售叫價都唔會太高，本來想叫1700萬鎊，但如果利物浦願意畀1000萬鎊，相信祖記都會放人。