美國辣媽著熱褲入主題樂園被警察要求離開？

GIRLAV · 發表於 2021-5-15 12:12:58

帶仔女去主題樂園從來都係最開心嘅親子活動之一，不過對美國媽媽Bailey Breedlove嚟講就經歷咗一次災難。Bailey於網上分享，表示日前跟11歲女兒去到奧克拉荷馬州一個名為「Frontier City」嘅主題樂園，當時佢身穿一件貼身比卡超Tee及一條超短熱褲，但突然間被一位身穿「警察」衣服嘅園警截停，並表示佢嘅褲「太短」，及帶有其他言語上嘅人身攻擊，更要驅逐佢同女兒出園，及後Bailey願意即時在樂園購入另一長褲後先允許佢繼續行程。Bailey非常氣憤並認為樂園並無規定衣著唔可以著短褲，唔明白點解會遭到如此屈辱。

網民都支持Bailey，認為係「歧視」。後來Bailey直接跟當地警察局聯絡，而警局竟然話該位人士並非警察！Bailey目前仍等待園方回覆，是否樂園內有「正義魔人」扮演警察就不得而知！