咁貴？國米為盧卡古定價1.2億歐

joemalee · 發表於 2021-5-15 06:01:15

國際米蘭重奪意甲冠軍，比利時前鋒盧卡古有好大功勞，亦由於佢有極佳表現，近日吸引歐洲各豪門留意，有消息傳過車路士同曼城都想簽佢，加上國米前景不明，為防「渣古」被撬，國米為佢定價1.2億歐元。

盧卡古2019年由曼聯轉投國米，轉會費為7300萬鎊，過去兩季喺意甲踢到風生水起，為國米上陣93場入62球，其中今季42場入28球，協助球隊重奪意甲冠軍，較令人失望嘅係喺歐洲賽攞唔到好成績。

意大利《羅馬體育報》報道，國米奪冠後傳出財政問題，班主要求球員自願減薪兩個月，好多球員都唔願意，續約加薪更加唔使諗，導致個別球員都有離隊意欲，為防盧卡古被各豪門撬走，國米為佢定價1.2億歐元，折算接近1億鎊，比買入價上升2700萬鎊，即使盧卡古離隊，國米都可以賺番筆。