有心思！阿積士熔解冠軍碟　派畀球迷

joemalee · 發表於 2021-5-14 07:16:14

今季荷甲提前奪冠嘅阿積士宣布，將會熔解今季荷甲冠軍碟，製作4.2萬顆五角星，派畀季票持票者，同球迷分享冠軍。呢份特殊禮物名為「阿積士一角」，真係有心思。

會方表示，每顆五角星淨重3.45克，當中0.06克來自今季荷甲冠軍碟，阿積士官方社交網，上載熔解過程，並留言：「一片勝利、一片歷史、一片阿積士，送給你們。」

阿積士行政總裁雲達沙表示，因為疫情關係閉門作賽，球迷無法入場睇波，球會能感受到球迷嘅支持，希望咁樣做，令球迷滿意。

雲達沙說：「今季我哋被迫閉門作賽，看台上沒有人，但我哋仍能感受到球迷嘅支持，分享冠軍碟就係憑證，經過動蕩嘅一年，希望球迷覺得佢哋都係冠軍一部份。」