雪足成季堅慘！寸王向羅美路招手

joemalee · 發表於 2021-5-13 07:30:57

自從羅馬公布來季由摩連奴執教後，有關羅馬增兵行動消息未停過，意大利《電訊報》報道，曼聯盃賽門將羅美路成為羅馬招攬對象，佢有機會去意甲再同寸王合作。

近期有關寸王組軍消息有好多，佢嘅曼聯、熱刺舊部都係潛在目標，但最有機會相信係羅美路。羅美路喺曼聯已被雪足全季，一場都未踢過，今夏約滿後將以自由身離隊，佢去邊隊曼聯都唔會阻止。

其實當初摩連奴教曼聯期間，同羅美路建立良好關係，將佢安排做盃賽門將，同英超門迪基亞分開嚟用，尹戈爾及摩連奴年代曾幫曼聯贏過英足盃、英聯盃、歐霸盃及社區盾，雖然佢已經34歲，但去到意甲相信可應付。