煙剷主帥有機重返英超 兵工廠同熱刺鬥搶

joemalee

阿仙奴場內場外都問題多多，目前於英超排名榜列第9，下季嘅歐洲賽事已經肯定無緣，加上歐超賽事件嘅餘震仍然尚在，而成績滑落令主帥阿迪達嘅帥位危危乎，有消息指兵工廠已同沙利接觸，睇嚟呢位意大利名帥有機會重返英超。

隨着摩連奴拍板執教羅馬之後，早前有傳過嘅沙利又要為自己未來重新規劃，沙利自從上季帶領祖記奪走意甲冠軍，但佢嘅表現未被高層認可，更被炒魷，值得一提嘅係，佢同祖記仍未解除合約，家陣仲係出緊祖記嘅糧。意大利傳媒消息指目前喺屋企待業嘅沙利，可能會選擇重返英超，阿仙奴同熱刺都有同佢接觸。

沙利同祖記嘅合約喺明年夏天到期，消息指目前佢嘅年薪為600萬歐元，祖記可以4月前支付250萬歐嘅費用，以終止合約。事實上，阿仙奴嘅成績都幾難睇，就連傳統嘅進攻戰術同技術配合等都已經好耐睇唔到，球迷對球隊嘅表現已相當失望，或者係時候要搵人執一執，而沙利教練經驗豐富，曾帶領車路士捧走歐霸盃，呢啲往續對佢重返英超都係唔錯嘅籌碼。

LasCases

係體系要慢慢練

Winston91

LasCases 發表於 2021-5-6 06:40
係體系要慢慢練

都喺美國人, 唔知兵工廠老板唔會唔學曼聯老板比多少少時間親生仔教練出成績。

Tommy232

我想睇下如果沙利教阿記會將隊波改變成點