日本公屋主婦8年來電費$0 2招秘訣被大罵自私！

GIRLAV · 發表於 2021-5-4 17:27:36

節省絕對是美德，但如果慳到好似日本呢位主婦咁，長期過著「電費$0」生活，你又點睇? 話說日本電視節目「已經是午間了！」（ヒルナンデス！），就報道一位住在日本團地(即公屋)的主婦，為了節省電費於8年半前與電氣公司解約，一早起身用木炭生火烤餅來整早餐，由於烤餅期間令室內溫度升高，同時亦可省下暖氣費；另外，主婦亦於露台設了4塊太陽能板，以太陽能發電來推動吸塵器或洗衣機等電器，如果天氣唔好就會改用單車發電機，結果8年來共節省了30萬日圓（約港幣2萬2千元），長期過著「電費$0」生活。

但報道一出，卻引來不少投訴，有人認為「於公寓中使用炭火非常危險」、「根本就像跟一氧化碳中毒和火災為鄰」，亦有人怪罪於節目「如果有人睇咗節目效仿卻發生意外，製作單位要如何負責？」事實上節目中無出現任何警告字眼，怕會間接助長其他觀眾效仿呢。