雲迪碧克畀荷蘭女將寸 傳被踢去意甲

joemalee

曼聯今季成績突出，般奴費南迪斯同保羅普巴兩大中場都有傑出表現，不過季前高價來投嘅荷蘭中場雲迪碧克，就慘成曼聯大後備，日前更被曼聯女足荷蘭球星古蘭寸爆，有傳曼聯打算今夏放棄雲迪碧克，用佢交換羅馬中場尼高路辛尼奧路。

雲迪碧克今季英超只係踢過2場正選，踏入2021年後更被曾正選上陣，而且只有1次踢多過20分鐘，擺明唔受重用。曼聯女足3月首次喺奧脫福球場踢聯賽後，女足主將古蘭就寸爆呢位同胞：「我之前同雲迪碧克講笑，話我喺奧脫福踢波嘅時間就嚟多過你！我成日同佢傾偈，佢喺曼聯過得好好，應該冇問題。」

雖然雲迪碧克未有要求轉會，不過據意大利《共和國報》爆料，曼聯正同歐霸盃4強對手羅馬交涉，有意用雲迪碧克交換意大利國腳尼高路辛尼奧路。不過，羅馬視21歲嘅尼高路辛尼奧路為未來重心，唔會輕易放人。

LasCases

曼聯唔 Six 用佢。

BB29

唔會輕易放人

大賓哥

笑死 ..........

Winston91

LasCases 發表於 2021-5-2 08:05
曼聯唔 Six 用佢。

喺蘇B唔敢用啫, 全季用死一套陣容, 唔敢輪換上場, 主力又冇咩傷, 仲要季中有機會爭冠, 咁後備邊有機會上場呢。