曼聯同玻璃腳續約！佢出勤率僅得29%

joemalee · 發表於 2021-4-27 23:13:10

曼聯周一(26日)官方宣布，與科特迪瓦後衞艾歷拜利續約，新合約至2024，仲有1年選項，蘇斯克查自然有一番恭維說話，佢話艾歷拜利係一名不可多得嘅後衞，不過傳媒眼光最銳利，發現呢位中堅在曼聯5年，傷病不斷，出勤率只得29%！

其實艾歷拜利今次續約，外間都大跌眼鏡，事關大家都認為呢位27歲中堅喺曼聯再無發展機會，準備轉會，但今次竟然出現大逆轉，令外間感到驚奇。

艾歷拜利喺曼聯5年，只有加盟第1季上陣機會較多，各項賽事多達38場，但次後4季不斷傷病，每季上陣不足20場，在今次續約之前，艾歷拜利剛好為曼聯上陣100場，射入1球。

現時曼聯兩位正選中堅係哈利馬古尼同域陀連迪路夫，艾歷拜利只係排第3，關鍵係佢要保持身體健康，先有機會落場比賽。