【歐超聯】英政府將加重稅懲Big 6

joemalee · 發表於 2021-4-21 07:12:26

歐洲球壇面對歐超聯呢個「震撼彈」當然有好大反應，各地政府更積極介入事件，英國數碼、文化、媒體及體育大臣杜永敦向下議員發言時，表示會尋求一切「辣招」阻止歐超聯，有機會向6支參賽嘅球隊加重稅，同唔批工作證畀參戰歐超聯嘅球隊。

此外，英國傳媒報道，英超餘下14隊已經召開會議，討論相關事件，對於Big 6自行進行罔顧聯賽利益嘅「枱底交易」非常不滿，建議作出重罰，甚至有意喺季尾將6隊踢走。

根據英超聯嘅規例，需要全聯盟20間球會中嘅四分之三投票通過，即係15票，先至可以踢球隊出聯賽，換句話講，即使其他14隊都支持，都仲缺少一票。不過，規例入面同時有一把「尚方寶劍」，有一條賦予董事會絕對權力，執行最終裁決，但呢個最終裁決手段，一直都未用過。