基亞利殊仲要抖數周　或冇份踢歐國盃

joemalee · 發表於 2021-4-11 07:23:37

阿士東維拉領隊甸恩史密夫透露，中場主將基亞利殊嘅傷勢康復進度比預期慢，仲會再缺陣數星期，但有信心
佢可以喺球季結束前復出。不過，外界擔心基亞利殊可能冇足夠時間操起狀態，或會落選英格蘭國家隊，無緣
今夏歐國盃決賽周。

基亞利殊因為脛骨受傷，已經缺陣阿士東維拉過去7場比賽，亦一定錯過周六(10日)晚英超作客利物浦，維拉主
帥甸恩史密夫早前曾經表示，呢位25歲中場可於上周末復出，但佢依家又改口，承認之前想法太樂觀，估計基
亞利殊仲要抖數星期。

阿士東維拉踢完周六(10日)晚英超對利物浦之後，又要惡鬥曼城，跟住對手仲有西布朗、愛華頓、曼聯，基亞利
殊繼續養傷，甸恩史密夫都好頭痕。