哥帥發火！鬧爆兩大足球機構「殺人」

joemalee · 發表於 2021-4-6 09:30:58

曼城今季有望成為英超、英聯盃、英足盃、歐聯「4冠王」，但領隊哥迪奧拿心情仍然唔係咁好，因為佢不滿國際足
協及歐洲足協將賽程安排得太緊密，更痛斥呢兩大足球機構想「殺死」球員。

曼城上場英超以2比0擊敗李斯特城，哥迪奧拿將史達寧、貝拿度施華、根度簡、史東斯、祖奧簡斯路等踢完國際賽
嘅球員放喺後備席，佢話之所以咁做，完全係逼不得已：「歐洲足協同國際足協簡直想殺死球員，開季至今，我哋
連一個周中休息時間都冇，球員係人，唔係機器。我之所以可以每場輪換6、7位球員，係因為我哋後備力量夠雄厚
，而且每個人都做好準備，如果唔輪換，根本冇可能每項賽事都取得好成績，但輪換有好大風險，輪換之後贏波，
我就係天才，如果輸波，就係我錯。」

曼城將於周三(7日)凌晨歐聯8強首回合主場對多蒙特，相信哥迪奧拿又要焗住輪換陣容。