蔡嘉欣愛炫富 IG大晒40萬現金惹網民批評

GIRLAV · 發表於 2021-3-20 13:40:03

現年26歲嘅蔡嘉欣，2019年參選香港小姐，雖然三甲不入但都簽約無綫，入行後主要做《姊妹淘》主持。不過有傳蔡嘉欣主持《姊妹淘》時搶鏡搶對白，又鍾意晒命晒名牌手袋等, 搞到其他主持莊思敏、傅嘉莉、陳詩欣、曾淑雅都對佢反感兼傳出不和。近日蔡嘉欣再次炫富，喺IG豪晒40萬現金，事源佢代理美容產品，要將40萬現金去做海外匯款入貨，IG限時動態中佢影住一堆現金，想話俾人知佢入咗貨，不過網民就唔多受落批評佢炫富。

其實佢炫富都唔係第一次，上年年尾買咗架TESLA MODEL 3，即刻喺IG公開，又拍埋片去介紹，佢話決心買dream car係因為佢覺得個價係自己能力範圍內，比起之前架Benz每個月油費都係貴$2,000，仲話完全不後悔。佢之前又喺樓盤節目話樓價太貴、買唔起樓等等，但佢啲youtube片曾開箱屋企有兩大個櫃擺滿名牌手袋，網民話呢啲袋已經夠佢畀首期，質疑佢扮窮畀唔起首期，其實想晒命。