恨做一姐出晒面！吳若希搵陳定幫批事業運

GIRLAV · 發表於 2021-2-19 12:19:11

無綫人事變天，星夢娛樂行政總裁何哲圖（Herman）於本月底離任，另起爐灶開設新公司，唔少人都關心其一班「星夢愛將」嘅去向之際，巧合地歌手吳若希（Jinny）日前拍片搵堪與學家陳定幫預測運程時，就被批今年工作上容易有轉變，甚至有機會轉公司，唔通意味住佢可能跟Herman離巢過檔？

陳定幫續指Jinny轉變後會有不錯效果，佢即直言：「我有冇機會做一姐？」對方即時口窒窒唔敢亂答，嚇得佢大叫：「點解你咁嘅反應㗎？」並連番追問：「咁我係咪做唔到一姐？」場面搞笑，而對方則寄語佢若然太刻意爭取反而會有反效果。

另外，講到佢子女緣旺有機會生第3胎，佢即時耍手擰頭，更講笑話希望老公做結紮手術，以免佢再度懷孕。