謝嘉怡陳楨怡鬥搶利是

GIRLAV · 發表於 2021-2-11 10:11:16

本帖最後由 GIRLAV 於 2021-2-11 10:11 編輯

2020年香港小姐冠軍謝嘉怡、亞軍陳楨怡和季軍郭柏妍昨日出席《睇電視𢭃利是融易過肥年》記者會，3位港姐對於新遊戲玩法甚為好奇，留心聽解說後又討論一番，笑言會準備搶利是！而於台上嘉怡似乎對安德尊（大王）的財神裝扮特別有興趣，事後她表示覺得大王的裝扮好靚。

郭柏妍新年行山攞意頭
她們除了搶利是之外，透露大年初一會返公司與財神派利是及相約食飯，嘉怡說：「應該會去我屋企，因為佢哋兩個想見啲狗狗，又冇得出街食，應該叫盆菜或者打邊爐。（叫爹哋煮？）爹哋唔喺香港。（有冇學到爹哋啲廚藝？）我學識點樣食嘢，爹哋煮嘢好叻，唔使跟食譜，試味就煮到，我煮嘢都OK，但唔係特別好食。」陳楨怡則透露今年會親手炮製蘿蔔糕送禮，笑言不用媽咪出手幫忙，而郭柏妍已計劃新年行山，寓意步步高陞。

另外，嘉怡說到提款卡失而復得，原來是踩單車取電話時丟失，幸後來有朋友在社交平台發現有人拾到她的卡，現已順利取回，她指拾獲者是不知其身份的好心男士。