【三千年後】李香琴留下的一封音樂情書⋯⋯

cocteau

【三千年後】李香琴留下的一封音樂情書⋯⋯



「嗰陣時個世界好安靜 無而家咁嘈⋯⋯」在亂流之下，入戲院挨着另一半的膊頭看電影、手挽手一起看日落，再去聽音樂會、吃宵夜的單純願望，似乎也變得難以實現。歲月靜好的日子一去不復返，留下來的就只有無盡思念。

資深藝人李香琴昨日突然離世，她與舊時代的美好一樣，往後只能活在我們的回憶之中。16歲的琴姐初踏台階，60多年間參演逾百部影視及粵劇作品，憑着演反派角色深入民心，奸妃、後母、情婦，都演得活靈活現，實在是奸到盡頭便是型。不過，「一代奸妃」最終也與世長辭，享年88歲。就讓我們回味一下琴姐留下的一封「音樂情書」，在她的喃喃情話之中，我們彷彿再次看見她親切的笑容。

這封「音樂情書」名為《三千年後》，是陳輝陽於2007年舉行的音樂會《十二金釵眾生花》的其中一首作品，12首歌曲由12把女聲演繹，雕塑出都市女性的心事。歌曲有兩個版本，第一個版本叫《三千年前》，由關淑怡演唱，配上琴姐的一大段獨白，聽起來介乎於電影配樂與流行音樂之間，充滿迷離與空靈的味道。另一版本《三千年後》，則只有琴姐的全程獨白。《三千年前》曾在2007年CASH頒獎禮奪得「最佳另類作品」獎，琴姐更在領獎當日表示「今生無憾」。

「我記得你隻手 掃過我背脊既感覺 我記得同你去睇映畫戲 你會係我耳仔邊講嘢⋯⋯」獨白由作家陳慧創作，驟眼一看，以為是在寫一對小情侶之間，老派得來又帶點小浪漫的約會故事吧？作家昨日親自在個人facebook解話，表示獨白中的女主角其實是皇后碼頭，「我記得 好痛 因為你話俾我知你要走⋯⋯時間耐咗 難免知道人總會慢慢咁將過去淡忘 又會睇住啲嘢無聲無息咁樣消失」看着舊香港消失在時代洪流的心酸，其實絕不比失去愛人的傷痛少。可惜往事只能回味，我們能做的，就只有將一切都惦記在心裏。

「我要走嘞 如果你記得番我係邊個 我知道 你一定會好唔捨得我 仲會好掛住我 再見」滄海桑田，物是人非，輕輕的她走了，揮一揮衣袖，不帶走一片雲彩。

以上影片乃youtube提供,與本站無關; 若無法觀看,可查看原網址。

再見

唔好怪我第一句就同你講再見
因為我真係專程黎同你道別嘅

你知道我係邊個架
不過你唔記得咗之嘛

我記得你嘅　你總係笑瞇瞇咁望住我
你唔講嘢　淨係聽我講嘢
嗰陣時個世界好安靜　無而家咁嘈
襯得我特別吱喳　特別開心

我記得你隻手　掃過我背脊既感覺
我記得同你去睇映畫戲
你會係我耳仔邊講嘢
你講得好細聲
其實我一啲都聽唔清楚
不過　我好鍾意聽你咁樣同我講嘢

以後　再無人咁樣同我講嘢

我記得你好鐘意睇日落
睇完日落　就去聽音樂會
我地又成日散步去食宵夜
個陣唔知點解
周不時都分唔清楚究竟係星期幾
日子好似唔會過去嘅
時間好似係停咗落黎咁
然後　忽然間
就發覺原來已經經過咗好多年

我記得　好痛
因為你話俾我知你要走

我再無睇過日落
亦都無再同人食宵夜

原來　難過嘅日子
一樣好似唔會過去
然後　又係一眨眼
至發覺已經過咗好多年

我記得　你同我去過嘅每一個地方
我唔會再去嘞
個啲茶座　舞廳同花園
而家係點　我唔知嘞
個啲地方　通通留喺我心裡面

不過　我知道　你唔記得架嘞
唔緊要　我一個人記住就得啦

我唔會講　我老啦
我只係會講　我喺度太耐
時間耐咗
難免知道人總會慢慢咁將過去淡忘
又會睇住啲嘢無聲無息咁樣消失

我點解要走?　怪我自己啦
我先兩日　唔知諗緊乜嘢
無端端走咗去睇日落
個日落就同我記得陪住你睇嗰個樣一樣
不過　就算我點樣裝出若無其事
我都無辦法唔承認
我失去嘅嘢實在太多

我要走嘞　如果你記得番我係邊個
我知道　你一定會好唔捨得我
仲會好掛住我

再見

BB29

一封音樂情書

馬甸尼

一路好走