麥明詩Staycation三點式晒靚背轉做OL身材無走樣

GIRLAV · 發表於 2020-10-1 23:58:58

麥明詩決心淡出娛樂圈，轉行到國際公司擔任商業顧問，工作忙碌，朝九晚十一，吊頸都要抖吓氣，麥明詩選擇到中環五星級酒店Staycation，雖然不再是全職藝人，但穿上三點式晒出白滑靚背，身材同選港姐時一樣咁fit。

麥明詩淡出娛樂圈轉做OL
麥明詩2015年奪得港姐冠軍後一直備受力捧，被安排拍劇、主持綜藝、大騷司儀，早前播出劇集《殺手》當中演盲妹，演技受讚賞，不過麥明詩卻在當紮之時跟無綫改簽一年一騷「甘草約」，華麗轉身轉行到國際公司麥肯錫（McKinsey）擔任商業顧問，不但要四圍飛，工時長，早前被影到幫同事買咖啡返工，跟以往做藝人有多人服侍完全不同。不過麥明詩對淡出娛樂圈仍然好大決心。

素顏麥明詩紅色三點式好吸睛
麥明詩著上紅色三點式落酒店暢泳，素顏上陣，在池邊回眸依然sharp醒，加埋個白滑靚背，好吸睛，而呢張靚相，麥明詩特別將credit注明操刀是其任職醫生的哥哥。麥明詩話轉工後由於工時長，令她養成食零食習慣，令體重上升，不過看這張三點式照，明顯身段保時得好好﹗Staycation當然少不了飲飲食食，一家四口除了在酒店房的大廳中早餐外，亦有到酒店內的米芝蓮三星中餐廳晚膳，睇麥明詩一家四口笑得咁開心，便知一家人齊齊整整便心足。