[比利時聯賽] 門前世界miss 紅遍網絡

ssamhohoho

比甲聯賽梅赫倫對奧斯坦德突然紅遍網絡，原因係賽事中出現一個被喻為「史上最離譜空門射失」射門，事件主角梅赫倫中場天才韋蘭斯克斯，依家佢已經紅遍全歐洲，可惜係畀網民恥笑嗰種。

賽事踢到66分鐘，梅赫倫攻勢，對方門將出迎打手槌落空，個波飛向龍門中楣彈出，落在韋蘭斯克斯腳下，當時佢只需要輕輕將個波踢入網就搞掂，但佢起腳時卻不幸「踩波車」倒地，佢坐住個波無法射門，卒之畀對方後衞解圍，事件主角就掩面跪地。


當時比數維持0比0，如果入波，梅赫倫就有機會取勝，錯失呢個入球之後，奧斯坦德踢到補時90+5入波，最終梅赫倫輸0比1，真係陰公呀！


呢位世紀miss球員韋蘭斯克斯年僅17歲，今年5月曾盛傳獲利物浦同曼城青睞，吸引傳媒同佢起底，話佢係天才球員，希望佢唔好畀今次事件影響，重新振作啦。

MANHER

原來醜出國際

JC424

有片睇

以上影片乃youtube提供,與本站無關; 若無法觀看,可查看原網址。

Winston91

回復 ssamhohoho ##1 的帖子

踩波車反應唔切好正常，下場踢好嘀。