「限奶令」解禁！《3日2夜》「元祖咪神」35D胡美貽歸位

eu2 · 發表於 2020-6-10 12:47:26

［b]「限奶令」解禁！《3日2夜》「元祖咪神」35D胡美貽歸位無job無生意負面情緒爆燈暴瘦

早年無綫出招「限奶令」，禁止全台女藝員暴露行性感，個個惟有乖乖封
胸，搞到一班觀眾大呼無癮！近日終於傳來好消息，落實全面解封，當年大受影響嘅 J2台王牌旅遊節目《 3日2夜》亦得以翻生，據知節目仲會重新包裝，明年升呢喺翡翠台再度出擊。號稱《 3日2夜》「元祖級」咪神之一嘅26歲胡美貽（Nicole）亦會重出江湖，近日 Nicole 喺 IG 狂 po 爆乳相派福利，為節目做定熱身！

《3日2夜》「元祖級」咪神胡美貽歸位
《 3日2夜》向來以靚女著三點式玩水、浸溫泉作賣點，多年來亦因此而捧
紅唔少小花，張曦雯、張秀文、陳婉衡、陳偉琪等個個博到盡喺節目中著泳
衣曬太陽、浸溫泉，盡騷火辣身材，更獲網民熱捧！家陣節目復活，一班咪神亦蠢蠢欲動，其中擁有35D逼爆上圍、「元祖級」咪神之一嘅胡美貽亦將會重出生天再度亮相！

自家生意受疫情影響負面情緒爆燈暴瘦廿磅
2017年參選港姐，之後入讀藝員訓練班，胡美貽其實拍過唔少劇集如《愛·回家之開心速遞》、《機場特警》、《黃金有罪》、《白色強人》、《再創世紀》等等。早前於《法證先鋒 IV 》中更扮死屍被李施嬅解剖，只著住底衫褲瞓喺冰冷嘅手術台上，專業演出獲唔少網友讚賞㖭！

除演藝事業外，26歲嘅胡美貽百足咁多爪，年前更殺入商界大搞榴槤甜品生意，仲連開三間分店，可惜近日由於疫情影響，生意一落千丈，為慳人工開支更親自出馬落舖頭幫手，樓面、打雜一腳踢，食冇定時搞到體重暴跌近廿磅，就連生理周期都亂晒龍，再加上負面情緒影響，胡美貽自稱要睇心理醫生呀陰功！好彩家陣《 3日2夜》翻生，嚟緊10月又有工開，應該可以幫補唔少！

-