哈利卡尼轉會消息(不定時更新)

ssamhohoho · 發表於 2020-4-13 16:07:20

新冠肺炎疫情令英超各隊財務問題浮現，般尼即將破產，曼聯仍有1.69億鎊轉會費未找數，熱刺嘅問題更嚴重，該隊之前興建新主場孭咗唔少債，加上近年收購球員，令球會負債總額超過7億鎊(約67億港元)，主席利維批准高價出售哈利卡尼，以填補債務。

《郵報》報道，哈利卡尼在熱刺出道，效力11年並未贏過任何錦標，佢曾表示假如球隊再不思進取，唔排除離隊他投，此言論據說已經得罪班主，而熱刺為減輕債務，會方亦為哈利卡尼離隊開綠燈，前題條件係必須賣出好價錢，以抵償債務。

利維心目中已為哈利卡尼定價，佢希望出售該英格蘭隊長，能收取2億鎊轉會費，不過疫情爆發令轉會市場降溫，哈利卡尼仲係咪咁值錢，實在難講。