柏雷素爾搶佔升班先機

guam1 · 發表於 2019-9-25 02:45:29

喺啱啱過去嘅一個週末，日乙第33輪賽事有多場好戲上演，結果當然係有人歡喜有人愁，但要數最開心嘅球隊相信都非一哥柏雷素爾莫屬。

憑藉染谷悠太和江阪任在下半場的分別建功，柏雷素爾喺啱結束嘅一輪聯賽中主場2比1力挫FC愛媛。一掃此前連續3輪不勝嘅同時，更加由於一直喺積分榜上緊咬自己嘅山形山神和FC橫濱喺本輪均意外失分，導致目前33輪過後手握66分嘅柏雷素爾領先身後2、3位已分別達8分同9分，來季重返日職聯之美夢已經接近成為事實。

雖然柏雷素爾如今一枝獨秀，但剩餘嘅一個直接升班名額(第二名)乃至升班附加賽資格(第三至六名)仍然有多隊爭崩頭。睇返成個積分榜，從排名第二嘅山形山神到排名第十一嘅長崎成功丸，最大分差只有8分，喺聯賽剩餘9輪嘅情況下，誰能夠成為最終嘅幸運兒仍係未知數。