返工返到無晒人生意義中晒呢3點好有可能患上「職業倦」

GIRLAV · 發表於 2019-6-6 05:12:27

即使放兩日假，但只要一諗起第二日要返工，心情就會跌到落谷底。不論玩幾多瞓幾多都悶悶不樂，做咩都好似提唔起勁。原來可能係你不知不覺間對返工產生咗一種抗拒感，亦都有可能患上「職業倦怠」症候群啊！

打工仔中晒3點有可能患上「職業倦怠」

最近世界衞生組織（WHO）更新咗國際疾病分類名單，並且首次將「職業倦怠」加入名單，而「職業倦怠」嘅定義為「長期無法排解工作壓力而導致的症候群」。面對重複工作，上司畀打工仔嘅壓力，真係捱到病都唔出奇！想知道自己有無「職業倦怠」？快啲睇下有無依三個病癥啦！

1：對工作非常抗拒

如果有人問起同你工作上相關嘅話題，你會即時覺的非常反感，甚至困擾。不過係人都唔鍾意放假日子提起公事，不過有「職業倦怠」的人，就連上班日都完全唔會想工作，對於自己未來的職業路向，處於迷惘同懷疑嘅態度添！

2：全身都無能量

明明可能休息夠，不過只要一返到公司就喪失能量，即使到Happy Friday，身邊同事個個都計劃收工去放鬆，而你就連計劃去玩嘅動力都無。唔知點解咩都未做，只要坐到埋位就覺得攰，嚴重影響身心啊！

3：工作效率減低

有「職業倦怠」嘅人會察覺到自己工作效率越嚟越慢，以前可能一日就完成當天工作，不過如果患上「職業倦怠」，分分鐘要將今日嘅工作拖到第二日。唔再以前咁專業，被上司責罵，然後不斷惡性循環，最終只會覺得自己喺公司係可有可無。

如果以上三種癥狀都中晒，好有可能你已經患上「職業倦怠」啦！應該要好好休息，去個旅行，認真諗下目前工作到底適唔適合自己啦！