梁思浩爆料！女藝人誣衊男星揩油

cuddly · 發表於 2019-5-31 01:16:14

藝人梁思浩向來有不少出位言論，佢喺兩個月前與陳彥行、李麗蕊主持嘅一集網台節目中，大爆圈中有女藝人經常指控身邊男星揩油，令一眾男藝人避之則吉。

梁思浩以「癲婆」稱呼該名女星，指對方會有意圖打聽男星嘅聯絡方法，熟落之後就向外界表示「被抽水」，梁思浩提到：「我唔識佢，亦冇見過佢，但有人喺男藝人之間嘅Group Chat叫大家小心佢，佢好鍾意話人揩佢油，如果佢約你出嚟，分分鐘會屈你，即時嗌救命發癲。」梁思浩續指該名「癲婆」想借「抽水」事件造新聞，又指當性騷擾新聞爆出時，多數人都會選擇相信女事主，故提醒一眾男星切記小心。

另外，梁思浩又喺節目中爆料，指電視城又有另一名危險人物、女藝人「妖怪」，指對方經常幻想男藝人偷窺其身材，並四周散播謠言，所以每當「妖怪」進入化妝間時，男星就會以「妖怪襲地球」作暗號，通知大家急急避開。