放題怕蝕底食客瘋狂點餐店員大晒浪費「罪證」

05ho · 發表於 2019-4-26 19:06:20

眼闊肚窄！

執輸行頭，慘過敗家？有放題餐廳員工發貼大呻，指時常遇到客人不顧食量，豪點大量食物，結果造成浪費，怒斥食客「折墮」。

有火鍋放題店員工向Facebook專頁「西客之道 Hispitality Secret」投稿，指不少食客因放題任食，每次落單均點大量食物，惟當職員詢問食客：「係唔係真係食得晒㗎」，客人總會不假思索地回應：「係呀」。

不料食客紛紛化身「大嘥鬼」，他指曾遇過一名孕婦誇下海口，豪點10碟肉類，結果僅吃了1碟，剩餘9碟原封不動放在桌上。

又試過有港男在截單前加點8份肉類，但最終店員收拾時，驚覺「8份肉喺個煲度，嘥X晒！掉晒喺個煲度當食咗」。

該店員形容以上例子只是冰山一角，怒斥食客：「係唔係我哋冇罰你哋錢冇出聲，你哋就覺得浪費食物就冇問題」？

不少網民狠批一眾「大嘥鬼」：「香港人喺冇衣食嚟講，都算係世界第一」、「最憎啲人驚死蝕底，仲要嘥晒啲嘢」、「唔惜食嘅人下世真係會冇口福㗎」。