「錢可以解決大部分問題」20個人長大後才領悟的真相

05ho · 發表於 2019-3-7 18:48:44

唔少人慨嘆，人大咗，少咗童真，少咗快樂，但其實我哋嘅成長路途係冇白過，佢會成為我哋嘅經歷，令我哋更明白做人處世嘅道理!

日本媒網《curazy》近日刊登關於《當你長大變老後先明白嘅20件事》，原來有好多事，細個時唔了解，長大後先至豁然開朗，帶來好多體會，然後講句:人生呀!

1.就算已經係大人，但本質上仲係個細路 (特別係對住爸媽，永遠都想被佢哋呵護愛鍚，做個大細路)

2.父母同老師嘅教誨大部分都係有道理而且正確

3.錢唔可以解決一切，但可以解決大部分嘅問題 (錢唔係萬能，無錢就萬萬不能…我由細聽到大啦)

4.想要過平凡生活其實好難

5.細個鍾意打機，而家已經冇沒時間冇精力同埋冇心情去玩

6.人唔可以淨係睇外表，睇起嚟似飛女可能內心其實好溫柔，外表望落單純可能心機好重

7.趁後生就結婚嘅情侶其實幾好 (係咩?日本離婚率都幾高…)

8.自己並唔係咩嘢特別嘅存在 (細個以為自己係特別嘅一個，其實，你只係普通人，唔係人群中起眼嘅一位)

9.同朋友約會嘅節目得返食飯同飲酒

10.讀書時成績好，職場升遷唔會好得過擅長交際嘅人

11.交稅真係好X辛苦

12.男人唔理幾歲都一樣愛面子

13.女生比想像中咸濕

14.唔一定會有人睇到你嘅努力，亦唔一定會有人讚你努力 (打工仔之辛酸…)

15.發現細個唔食嘅蟹黃好好食 (其實可以解釋成，有啲細個唔食嘅嘢大個咗開始好鍾意食，好似苦瓜咁)

16.比起大都市，比較嚮往田園生活 (香港人表示唔駛去到邊都咁逼已經好好…)

17.而家聽緊嘅歌，仲停喺20零歲或之前鍾意聽嘅歌，新歌完成冇興趣聽 (當《流行經典50年》有方力申、Kellyjackie、小肥…就知自己老了)

18.同年齡嘅人聚埋一齊，傾計話題都係同健康有關

19.做學生真係好 (呢個應該係每個成年人都會有感而發)

20.父母真係好偉大 (子欲養而親不在…趁父母仲健在，記得要好好孝順兩老，珍惜眼前人呀!)

以上20項，睇完有冇覺得自己老喇?唔知大家都邊幾項特別有共鳴呢?