旺角暴動案十男被判刑

simontonysoup

前年農曆大年初一至初二爆發的旺角暴亂，其中10名被捕男子涉掟磚及破壞警車，被控暴動及刑事毀壞等逾10罪，其中1人已認罪，其餘9人不認罪，早前經審訊後被裁定罪成。案件今午(31日)判刑，其中首被告莫嘉濤被判囚51個月，第三至第六被告被判囚41至45個月不等。

法官公布各被告刑期前表示，暴動罪是集體暴力的罪行，被告不僅需就個人行為負責，亦須就集體行為負上刑責，因他們利用人多勢眾達致共同目的，這是法治社會不能容許，判刑須達懲罰及阻嚇效果。判刑時不會考慮被告所為是否政治訴求所衍生，也不會評定他們的政治訴求是否正確，只會考慮其行為的暴力程度等，而不會加入政治的辯論。

法官今次都算重手。

asd06

今晚飲番杯

肥叔叔

縮頭龜去哂邊 ?

123321

遲就遲咗Ｄ，總好過不了了之！

roadmanz

令香港市民信服的判決

sunlikwong

罪成判刑, 樓主認為法官算重手, 即係都幾嚴重喇.

既然咁嚴重, 點解政府到而家都唔成立獨立調查委員會呢? 唔知咁算唔算不了了之呢?

定係怕獨立調查o既結果, 又會淪為好似港大民意調查咁, 好易做假, 信唔過, 不如唔做?

定係 everything under control, 唔想再查?

我呢個食古不化o既老坑, 最希望就係透過獨立調查, 順便搲埋嗰班港獨呀, 亂港外國勢力呀..等等出嚟.... 不過, 可能 everything 已經 under control, 話佢係獨就獨, 係外就外, 話佢係就得喇, 有咩好查啫....

當然, 我都明o既, 幾時有話過一定要獨立調查啫? 係唔係不了了之? 係唔係令港人信服? 就......

大頭的Qoo

要公平, 就連差人果邊一齊告.  講好似公平, 實際又係唔公平...  
暴動案 ?  一邊係咁拖馬, 另一邊有咩可能唔還手.
真係有官位大諗曬咩.... 就係, 依家就係同香港人講
拳頭大, 就是道理

如果真係暴動, 就如67暴動, 又殺人, 又放火, 又放同胞勿近....  唔係一兩天呀...  
二年至四年, 又是重是輕呢 ?
當年殺人放火果批, 是功是過 ?

補充內容 (2018-6-1 07:22):
官民打交, 秋後算帳, 八個字講曬嫁啦.

simontonysoup

大頭的Qoo 發表於 2018-6-1 07:20
要公平, 就連差人果邊一齊告.  講好似公平, 實際又係唔公平...  
暴動案 ?  一邊係咁拖馬, 另一邊有咩可能 ...

連差人果邊一齊告，告乜？

artlo

回復 simontonysoup ##8 的帖子

你話呢 ????

Sichuanman

又多幾個人生更精彩傻仔

roadmanz

simontonysoup 發表於 2018-6-1 08:56
連差人果邊一齊告，告乜？

佢跟稿打咋, 點知點解!

王重陽

求仁得仁人生更精彩

大頭的Qoo

artlo 發表於 2018-6-1 10:00
回復 simontonysoup ##8 的帖子

你話呢 ????

等我答啦...
警權係有市民而來, 當天警隊帶頭跟市民衝突,
由保護市民而得權力用以挑戰市民
由上至下一定係行為不檢嫁啦...

事件由衝突說成暴動, 即係屈啦...  
告差人咩... 緊係老強之類... 反正都係個屈字

屈咗幾個三唔識柒細佬去坐,
我都唔知有咩咁開心....

補充內容 (2018-6-1 15:17):
咁驚香港批後生關心社會, 係就拉九曬佢囉....  是九但拉頭拉尾搞果十個八個... 真係突顯威權?  算吧啦.

補充內容 (2018-6-1 15:31):
大時大節, 大年初一去拉小販
英國鬼年代都知咩叫尊重啦...

sunlikwong

artlo師兄:

公平D講, 樓主同師兄都唔係現場(我估), 應該都答唔到告咩, 小弟就覺得應該係由律政司司長去諗告咩野.

不過司長應該嗰日都唔係現場, 咁就唯有睇番D 証人口供, 現場錄影片段, 然後決定點告, 告邊個. 不過冇人指証, 冇錄影片段, 唔等於冇做過, 人民警察做過o既野就往往屬於呢一類(好少好似英雄七警咁唔好彩o既).

既然暴動咁嚴重喎, 政府最令人信服o既做法就係進行獨立調查, 當年港英政府對住當年班殖民地騷民(特區政府最新係咁描繪67事年), 就有獨立調查(當然係事後), 而家中國特區政府對住呢班中國特區市民, 自己閂埋門打仔, 使咩事後獨立調查呀.  不過, 冇獨立調查, 政府/司長又根據咩去檢討或進行進一步檢控呢?

其實梁振英前特首曾經實牙實齒咁話, 楂住D外國勢力亂港o既証據, 佢地唔打蛇隨棍上, 順便借獨立調查刮埋呢班人出嚟, 佛心嚟o架喇, 更加唔會屈告呢班人民警察喇.

當然, 我都唔知人民警察要唔要告, 我又冇係現場, 又冇人攞到D 錄影片段去証明, 所以我都冇答案. 不過, 冇獨立調查, 又真係好難令人.....唔通真係要當閂埋門打仔咁不了了之?

simontonysoup

大頭的Qoo 發表於 2018-6-1 15:11
等我答啦...
警權係有市民而來, 當天警隊帶頭跟市民衝突,
由保護市民而得權力用以挑戰市民

呢單野，有人認為係暴動，有人話唔係，冇所謂，自說自話吧。
重要的是，法庭認為係暴動。
而且係有法律依據嘅。
我睇唔出有乜嘢屈嘅成份。
差人屈人就聽過啫，法庭屈人就未聽過。

kamtaigan

回復 simontonysoup ##1 的帖子

港英年代，這班人遞界出境或打藤，不用坐監，