九巴甩軚盤車長手忙腳亂　網民︰你個嘢壞咗呀

一發不可收 · 發表於 2018-4-24 08:00:12

九巴發生「甩軚盤」事故！有網民昨日於新蒲崗彩虹道看見一部九巴停於路中，車長拿著軚盤上下搖動，懷疑該軚盤鬆脫，車司慌忙將其裝回原位。該網民其後將片段上載至fb「馬路的事討論區」，他留言稱︰「開頭都唔為意佢做緊乜嘢，以為佢校緊軚，點知唔夠3秒見到堂駄鬆到頭fing fing(揈揈)，咁就知出晒事。佢(車長)亂都好正常，始終嗰陣時6點幾7點繁忙時間，後邊俾佢拉晒龍，而且仲有成車客。」

九巴懷疑「甩軚盤」，車長忙於將軚盤放回原位。

甩軚盤片段在fb瘋傳，引起網民熱議，紛紛留言稱「笑咗」，更有人笑指是「九巴最新款號Wifi軚控」、「咁化學？」、「你個嘢壞咗呀！」亦有人同情車長，「成班笑司機既都係衰人黎架。我撐你司機」。

九巴發言人表示，昨傍晚6時許，一輛開往尖東的9線巴士，駛至彩虹道近大有街時，懷疑調教軚盤時意外把組件鬆開，九巴工程車事後到場維修。車上乘客須轉乘另一輛巴士離開。

翻查資料，新巴曾於去年5月發生同類事件，一輛富豪超級奧林比安型號的新巴在銅鑼灣維園站靠站上落客時，司機位的軚盤整個鬆脫，車長安排車上所有乘客下車，轉乘另一部輛巴士離開。

https://hk.news.appledaily.com/b ... e/20180421/58102506