【強國維他牛】田二少被大陸佬食了二千萬！終於學精～勸維他奶要出擊 「個brand未出世都要註冊先！」

無賴階級專政

以上影片乃youtube提供,與本站無關; 若無法觀看,可查看原網址。

內地山寨版維他檸檬茶「維他牛」包裝明抄香港維他奶集團，「維他牛」負責人近日回應指商標合法，更建議香港維他主動出錢收購。田北辰多年前曾深受其害，建議維他奶要提出反對，免得被「維他牛」反咬一口，「香港維他奶一定要挑戰佢，如果你唔挑戰佢，搞搞吓佢第日返黎告返你。」他估計，商標局容許「維他牛」商標合法，可能是由於簡繁字體不同：「個名又似，維他奶個包裝又似，乜都似，咁可能走法律罅，可能話佢係簡體字，你係繁體字。咁你（商標局）話唔同啫，如果佢第日走去告你侵權，咁點算？咁所以係手尾嚟。」

田二少指，現時內地的制度是先用先得：「如果我係香港做咗一樣嘢，我喺香港註冊咗，我又冇錢全世界註冊的話，內地有任何人一睇中我呢樣嘢，佢第日即刻去內地註冊，商標就係佢㗎喇。」田北辰說，內地有人藉此制度炒賣知名商標牟利：「內地就有一班人，全世界去睇新牌子，總之佢唔理三七廿一，有少少潛質嘅牌子，就瞇埋眼全部註冊唒，然後慢慢『鋸』你。」

經過G2000反被告侵權一役，田二少自言已怕怕：「我而家學精，香港嗰啲品牌仲未出世我就已經喺內地註冊。因為我喺香港一曝光，佢即刻有人註冊嘛。咁而家我唔曝光，我喺香港註冊，在內地亦註冊，兩個註冊都拿好，我先喺香港開檔。」內地法例下，長期不使用商標會被取消，因此田提醒，註冊後就即時要使用，「賣幾件、開幾張單據都要，叫做霸住個市場。」

大頭的Qoo

好心自己柒, 就唔好四圍反轉個肚比人睇啦...
內地自己搞自己一套商標原因又係咩呀.
無靠山去搞人, 唔怕比人是九但入條罪拉去坐咩.

又扮狗去搵主人靠靠 ?
唔係人人都無腰骨嫁... 柒

無賴階級專政

大頭的Qoo 發表於 2018-3-30 16:20
好心自己柒, 就唔好四圍反轉個肚比人睇啦...
內地自己搞自己一套商標原因又係咩呀.
無靠山去搞人, 唔怕比人是九但入條罪拉去坐咩.

佢自曝其醜都未算係咩事，萬一吞咗佢啲錢嘅人，唔知有乜嘢背景？就去告御狀話佢唱衰偉大中國嘅話！ 可以係好大的罪名！港區全國人大代表嘅橡皮圖章唔係免死金牌。

大頭的Qoo

無賴階級專政 發表於 2018-3-30 16:26
佢自曝其醜都未算係咩事，萬一吞咗佢啲錢嘅人，唔知有乜嘢背景？就去告御狀話佢唱衰偉大中國嘅話！ 可以係好大的罪名！港區全國人大代表嘅橡皮圖章唔係免死金牌。

唔係萬一, 係一定.

都係果句啦, 無靠山又點敢四圍問人伸手
真係唔會比人拉 ?  定係唔怕比人拉.

補充內容 (2018-3-30 16:41):
入得內地港人, 有邊位係未比人伸過手 ?  理由千奇百怪.  目的只係一個, 收坨地.  要錢

無賴階級專政

大頭的Qoo 發表於 2018-3-30 16:38
唔係萬一, 係一定.

都係果句啦, 無靠山又點敢四圍問人伸手

係咪一定有要睇睇邊個後台硬了～大陸嘅所有糾紛最尾都係睇呢樣嘢姐，唔係田二少咁辛苦搏個港區人壞待屌做乜呢？係咪？

車呀文

大6字典裏應該冇個（醜）字

獅子山上村

車呀文 發表於 2018-3-30 21:51
大6字典裏應該冇個（醜）字

無錯! 只得個錢字!

artlo

可憐既五毛

271lee

食得咸魚抵得渴,  抵Ｌ死   

edmondcu

盡情愛國吧！！

gmen75

天堂有路你不走，地獄無門闖進來，北上的代價！

a.leung

回復 無賴階級專政 ##1 的帖子

都有名你叫:匪國

dingpong

無賴階級專政 發表於 2018-3-30 16:09
內地山寨版維他檸檬茶「維他牛」包裝明抄香港維他奶集團，「維他牛」負責人近日回應指商標合法，更建議 ...

又是一單無賴的鐵證囉

無賴階級專政

gmen75 發表於 2018-3-31 04:55
天堂有路你不走，地獄無門闖進來，北上的代價！

九七前做開高等華人，九七後依然想做，仲要返大陸做，結果被人搵老襯，佢唔係第一個，不過佢老豆剩落大把，唔使驚。

Shape

On another hand, we may try to copy our china blue chip company,