kmb炒完人之後又暫緩執行 再之後又叫佢地準時返工-太無良!

ssamhohoho

  kmb炒完人之後又暫緩執行 再之後又叫佢地準時返工-太無良!

九巴暫緩解僱四車長　葉蔚琳指被安排續留車廠

【Now新聞台】上月發起罷駛行動的九巴月薪車長大聯盟發起人葉蔚琳夫婦等四人遭九巴解僱，凌晨在其他工會聲援下在荔枝角九巴車廠外集會，九巴與葉蔚琳等人會面後決定暫緩解僱四名車長。

凌晨十二時許，被解僱的月薪車長大聯盟發起人葉蔚琳與丈夫劉卓恆，在多個工會及政黨聲援下在荔枝角九巴車廠集會，又靜坐堵塞車廠門口，九巴派員築起人鍊阻隔。部分巴士未能駛入車廠，需要駛往其他車廠。

九巴指，有個別員工嚴重違規，擅自離開崗位或停駛，對乘客安全構成威脅，所以採取紀律處分。

九巴向葉蔚琳發出的終止僱用通知書，星期三起生效，並向她發放合共七萬多元的薪金及補償，但葉蔚琳拒絕簽收。

葉蔚琳與另外兩名代表凌晨約兩時與九巴管理層會面一個多小時。

會後九巴宣布根據員工提出上訴申請，決定暫緩解僱四名車長，並會盡快進行覆檢程序。

她表示過去幾日已被安排留在車廠，不用駕駛，暫緩解僱後會繼續這安排。

九巴表示，覆檢機制一直存在，員工普遍都知道，今次是提醒員工可以使用此機制。

凌晨四時左右，九巴安排巴士接載集會人士離開車廠。

大頭的Qoo

我就一定支持人多果邊
即係巴士公司..
巴士公司優化方案係同兩個工會(報導指會員佔9成員工)商討過
即係九成車長都同意

係公司角度, 依幾個人就係淤血, 早清遲清, 都一定會清

依個月薪車長大聯盟更大錯誤係想成為工會
即係得罪九巴之餘更得罪上兩大工會

GOOD LUCK LA

補充內容 (2018-3-7 15:13):
都是自找的.  出得黎行, 預咗要還

F1D1S1

以前碼頭工人罷工，帶頭嗰幾位工友後尾都冇繼續做落去。嗰陣時僱主要報復，點都稍為過幾個月冷河。今次九巴完全冇考慮到呢一點，直接就手起刀落。可能係因為新中國式秩序係香港已經實行，有強權，就唔使講公理。

artlo

雇主無良, 天公地道. 唔做顺民, 就变餓鬼.

大頭的Qoo

回復 artlo ##4 的帖子

香港, 幾何見良心雇主 ?

想炒之前, 就係一招, 要你坐... 日日只係坐
你頂到佢頂唔到, 下一步出信.
依家要暫緩執行
餘下又係得一招,
要佢返去坐... 唔比佢開工.
糧照出.

算好嫁啦... 只係谷佢走, 無粗口問候
更扑街老細都見唔少啦

kinsoncc

未過冷河就急不及待要炒幾件，咁大間機構竟然有咁蠢的高層，匪夷所思！

123321

特首都開埋口話KMB做法有改善空間。
意思係你KMB遲幾日炒唔得咩，做乜要係選舉前幾日炒，等班政棍有子彈借題發揮搞大佢。
選完之後炒冇人得間理你！

kinsoncc

123321 發表於 2018-3-8 00:05
特首都開埋口話KMB做法有改善空間。
意思係你KMB遲幾日炒唔得咩，做乜要係選舉前幾日炒，等班政棍有子彈借題發揮搞大佢。
選完之後炒冇人得間理你！

九巴在短時間內收回承命，話唔定係有人揾佢地傾，叫佢地咪越煲越大，最終連累其他人中流彈！