尹光 - 打飛機

Peers123 · 發表於 2017-11-6 20:30:39

以上影片乃youtube提供,與本站無關; 若無法觀看,可查看原網址。

曲︰古曲　
詞︰鄭介立　

童年就兩歲　一雙一對　共阿B女分享奶咀
人人話我倆個好登對　立志生鬚就娶咗佢架啦
我哋愛放風箏　高空風裡吹
成日就要帶阿B女去　去放紙鳶多歡趣
(成日就要帶阿B女去　去放紙鳶多歡趣)

行年就八歲　喺天台裡　養隻了哥多口水
時時亂咁叫　佢WE嘩鬼叫　不過B女又喜歡佢
我哋去到公園　將隻了哥起勢咁追
成日就要帶阿B女去　玩吓小雀多歡趣
(成日就要帶阿B女去　玩吓小雀多歡趣)

行年十八歲　懶風趣　有個花名通處累
名牌又要著　黑超一對　共阿B女就拖手去啦
我哋愛到機舖　打機打得威水
成日就要帶阿B女去　去打飛機多歡趣
(成日就要帶阿B女去　去打飛機多歡趣)

行年廿八歲　阿B女講句　話我樣衰兼冇水
銀行大老細　佢腰骨都脆　仲以金屋就包起佢噃
無從話對錯　總之一句　冇錢乜鬼都會衰
無聊又逛到　機舖去　見到飛機想打咗佢
啦......啦......啦......　見到飛機都心碎