三星智能手錶 Gear Sport

KNVB · 發表於 2017-10-5 14:16:34

智能手錶除左可以睇時間，平時有朋友 Facebook / Whatsapp ，亦都可以唔使再拎部電話出黎，直接在手錶上睇到個 Message，某程度上確係實用的。而三星推出的智能手錶，更可以在錶面上用筆劃輸入法打字，即時回覆訊息，相當方便。今日三星再在香港推出了一款全新的智能手錶 - Gear Sport，又有甚麼特別的地方呢？
三星 Gear Sport 給第一感覺是：屏幕不太大。相比現有的 Gear S3 Classic，Gear Sport 只係比 Gear S3 Classic 屏幕細 0.1 吋，屏幕尺寸為 1.2 吋，解像度則為 360 x 360
三星 Gear Sport 具有黑、藍兩種顏色，當然，用家亦可以因應需要和喜好，自行為 Gear Sport 配上專屬的矽膠錶帶或其他標準的 20mm 錶帶。同以往的三星智能手錶一樣，Gear Sport 都是具有齒狀的轉盤，透過轉動轉盤，可以查看手機上的通知、已燃燒卡路里、步行步數等數據，而透過手錶右側下方的功能鍵，可以進入功能列表，打電話又得，開啟音樂播放器又得，打開 Galaxy Apps 下載對應軟件都得，應有的功能佢都有，相比 Moto 360 實用得多！

藍色錶帶的 Gear Sport

配備了 1.2 吋 360 x 360 解像度 AMOLED 屏幕，相比現有的 Gear S3 Classic 細 0.1 吋

手錶右側會有兩個按鍵，上方的是返回鍵，而下方的則是主頁鍵 / 開關鍵 / 功能鍵

KNVB · 發表於 2017-10-5 14:18:29

跟以往的三星智能手錶一樣，同樣是有一個齒狀的轉盤

錶帶會有感應器，可以監測用戶心跳率等數據

用上標準 20mm 的錶帶

叫得做 Sport，當然重點是俾人做運動用，例如踩單車的時候，可以堅測到運動時的數據及心率。

KNVB · 發表於 2017-10-5 14:19:26

Gear Sport 重點功能數你知！
001: 支持 5ATM 防水以及軍事級 MIL-STD-810 規格
今代的 Gear Sport，最大的賣點是加入了 5 ATM 防水功能，意思即係話，你可以戴住 Gear Sport 在 50m 淺灘游水都無問題。唔好講游水吖，就算你沖涼，都可以唔使除錶直接沖～算係方便嘅。另外，通過 MIL-STD-810 軍事級規格，則證明 Gear Sport 具備承受於一定濕度、高海拔或浸入水中時使用和操作的能力。

KNVB · 發表於 2017-10-5 14:20:11

002: 內置 79 款錶面，想點轉就點轉
作為一款智能手錶，最正的地方就是好多嘢都可以自定義，包括錶面。你用厭左而家個錶面，想轉用另一個錶面，只需長按錶面，就可以撥左撥右選擇你想要的款色，你鍾意的話，將自己個樣放埋落做錶面圖案都仲得

KNVB · 發表於 2017-10-5 14:21:03

003: 提供全面運動監測
Gear Sport 配備了自動監測功能，用戶可透過 Samsung Health 預先為自己的跑步訓練設置目標步速，以及監測游泳訓練嘅數據及心率，令游水、跑步訓練更加有效。除左提升運動表現，Gear Sport 內置的心跳感應器，可以連續監測心跳率，但你可以隨時知道自己任何情況下的心跳率，而只需在 Gear Sport 上輸入卡路里攝取量，Gear Sport 亦會隨即建議卡路里消耗量。如果你長時間未有活動，手錶則會提醒你要伸展下身體。

支持不同類型的運動，你可以為自己設立訓練目標

KNVB · 發表於 2017-10-5 14:21:59

004: 支持 Spotify 離線播放音樂功能
平時一個人做運動，例如跑步、行山，難免會覺得有點沉悶。而 Gear Sport 支持 Spotify 離線音樂播放，可以就算放低左手機，無戴耳機，都能夠隨時隨地邊做運動邊聽歌。當然，亦都可以配合今日同場發表的 Gear IconX (2018)，既可以充當一個個人健身教練，同時具有環境聲音模式，開啟模式後可以聽到外邊環境的聲音，免生意外，並支持 Bixby 音控功能。Gear IconX (2018) 充電後可使用最長達 7 小時，而放入充電盒內更可進行快速充電，充電 10 分鐘就可以聽到 1 小時的高品質音樂。

KNVB · 發表於 2017-10-5 14:23:06

005: 其他配置、基本功能
當然，基本智能手錶應有的功能，如查看訊息、通知，Gear Sport 都一定有。而配置部份，Gear Sport 配備了 1.0GHz 雙核心處理器，內置 768MB RAM 以及 4GB ROM，具有 300mAh 電池，並會運行 Tizen OS 3.0 作業系統。另外，Gear Sport 亦會支持 Samsung Pay 功能。