朱凱廸 被批 民生政治化

肥叔叔

請願礙農戶辦墟市　朱凱廸被批民生政治化
05月29日(一) 13:51



漁農界立法會議員何俊賢及香港農業聯合會舉行記者會，何俊賢指接獲農友反映，昨日天水圍天耀邨的假日墟市首日開幕，
但立法會議員朱凱廸昨日在社交網站號召支持者「踩場」，譴責朱凱廸及請願人士的做法。

香港農業聯合會表示，昨日請願人士阻塞通道並阻礙農戶經營，雙方發生衝突，令市民亦不敢前往墟市。他們認為，若朱凱廸等人對申辦墟市有任何不滿，應循合法渠道向政府爭取，絕不應為一己私利胡亂向小農戶發洩，批評其做法是將民生議題升級至政治事件，為累積政治本錢，置農友及小商戶生計於不顧，影響農戶經營，強烈譴責其做法是將民生議題升級至政治事件。

何俊賢指，農友昨早7時割好菜，打算到農墟販賣，但至約12時，請願人士叫咪，嚇走街坊，街坊跟他們說，「我哋唔搞咁多政治嘅嘢，我哋買少餐餸好閒㗎咋」，令到農友生計大受影響，不滿請願人士的做法，「到底邊個被騷擾呢，佢拉住條banner(橫額)話嚟買餸」，又聽到反映指「我攞住條banner(橫額)嚟買餸唔得咩」，質疑其態度引致基層市民與其衝突，對於朱凱廸的行為感到非常失望。

何俊賢認為，請願人士若對事件有不滿，希望表達訴求，有合理的權利，但他們選擇的地點錯誤，不應衝着小農民、小商販，影響他們的生計。

佢地一班政棍鄉黑,  你地唔埋佢堆,  咪去搗亂等你無生意做囉

powertvb

菜園村一開始，已是政棍。

大眼睛

阻住人做生意 !  

"應循合法渠道向政府爭取" !  

無賴階級專政

啲人話：民生政治化?

真係白痴到無倫!

民生同政治, 根本就係一體兩面.

咁都講得出的白痴, 根本不知政治為何物!

不過,政府就最鍾意呢啲白痴!

jims777

政冶怎能同民生混談，一體化係而家啲政棍攪出來，無論建制民主，都係敵人智贊成我必反对，無睇过民生，大局，路向，全部政治化。
平民百姓生活在此時代真係受罪。
公務員，警察。全部变夾心人。

愛愛東方

肥叔叔 發表於 2017-5-29 15:03
請願礙農戶辦墟市　朱凱廸被批民生政治化
05月29日(一) 13:51

次次借題發揮，越來越假囉！

十幾萬個月，扮晒可憐。人板！

sunlikwong

呢排冇咩睇報紙, 唔知呢單新聞o既來龍去脈, 亦冇去google 吓呢單新聞.

不過睇落就覺得好奇怪, 朱凱廸被批評民生政治化, 批評佢班人係透過立法會議員開記者會, 唔知咁算唔算係政治化呢單原本佢地實牙實齒話係民生o既野?

咁呢班高人, 又唔知有冇諗過用民生化o既方法去化左呢單被政治化o既野呢?

究竟 "民生同政治, 根本就係一體兩面"? 定係 "政治怎能同民生混談"? 我呢d食古不化o既老坑, 又點識分呢, 係度亂UP, 各師兄見笑喇.......

powertvb

《東方》建制派同本土派喺議事廳經常駁火，但戰火竟然蔓延到社區。立法會漁農界議員何俊賢（高佬賢）同香港農業聯合會尋日舉行記者會，高佬賢指接獲農友反映，前日喺天水圍天耀邨嘅假日墟市首日開幕，但朱凱廸就喺社交網站號召支持者「踩場」，搞到班農戶冇生意做，該會仲譴責朱凱廸嘅做法係將民生議題政治化。但朱凱廸就反駁指摘，話請願人士只係表達訴求，做法冇唔妥。
斥民生議題政治化

香港農業聯合會話前日班請願人士阻塞通道並阻礙農戶經營，雙方發生衝突，令市民亦唔敢去墟市。該會認為若果朱凱廸等人對申辦墟市有任何不滿，應循合法渠道向政府爭取，絕唔應該為一己私利胡亂向小農戶發洩，批評佢哋為咗累積政治本錢，置農友同小商戶生計於不顧，影響農戶經營，強烈譴責咁嘅做法是將民生議題升級至政治事件。
高佬賢話農友前日朝早七點割好菜，打算到農墟販賣，但至約十二點，請願人士叫咪，嚇走街坊，街坊同佢哋講，話「我哋唔搞咁多政治嘅嘢，我哋買少餐餸好閒o架咋」，令到農友生計大受影響，不滿請願人士嘅做法，又話「到底邊個被騷擾呢？佢（請願人士）拉住條banner（橫額）話嚟買餸」，又聽到反映指「我攞住條banner（橫額）嚟買餸唔得咩」，質疑嗰個請願人士嘅態度引致基層市民同佢衝突，對於朱凱廸嘅行為感到非常失望。
高佬賢認為請願人士若對事件有不滿，希望表達訴求，有合理嘅權利，但佢哋選擇嘅地點錯誤，唔應該衝着小農民、小商販，影響佢哋嘅生計。
朱聲稱做法冇唔妥
面對指摘，朱凱廸回應話當時佢唔喺現場，請願活動係由基層團體主辦，以佢所了解，當時係有商戶搶去請願人士嘅橫額，之後就有警方介入。佢認為呢種表達方式冇必要，因為請願人士示威嘅對象並唔係商戶，而係房屋署，佢哋希望爭取有公平機制，申請舉辦墟市嘅場地。佢又指請願人士只係表達訴求，做法並無不妥。
對於請願人士應否喺墟市表達訴求，朱凱廸認為並非商戶批評唔應該就係唔應該，「有咩理由話佢哋唔應該去講嘢，佢哋只係講嘢，做過啲咩呢」，質疑係咪太過上綱上線。

Alantang1

用手機回應 愛愛東方 #6 的帖子

十几万个月，扮晒帮弱者來反中乱港，但四台又大把人撑，吹啤啤！

Alantang1

用手機回應 jims777 #5 的帖子

你甘回贴法，因住比四台班反中乱港汉奸狗贼圍住來咬呀！

sllaw_eva

回復 肥叔叔 #1 的帖子

佢出糧緊要過你地搵食囉....

powertvb

呢條友樣衰衰

jims777

Alantang1 發表於 2017-5-31 09:31
用手機回應 jims777 #5 的帖子

你甘回贴法，因住比四台班反中乱港汉奸狗贼圍住來咬呀！

我本人立塲，我討厭保皇黨做 橡皮圖章，我討厭泛民逢中必反，成個立法會全部不以港人利益為依歸。
我不反對保皇，有啲嘢當中央同香港利益有衝突時，你要為港人企硬，但明顯無。
我不反對反中央，我個人都同意结朿一黨專政，但問题在而家係無可能，你班泛民亦無能力，除非革命，但在香港革命你以為有用？
有人話中央比兩個爛蘋果我，点，如果在無同爛蘋果中選擇，你係咪餓死。
你可以話不自由，毋寧死，但係唔好代表我，喺饑荒之下，我情願食爛蘋果。

大眼睛

愛愛東方 發表於 2017-5-30 13:29
次次借題發揮，越來越假囉！

十幾萬個月，扮晒可憐。人板！

兩邊都係囉 !  

Alantang1

用手機回應 jims777 #13 的帖子

我也好认同你的意思，我以前也常批评大六的贪污腐败，只是四台班反中乱港汉奸狗贼无看到，，以为我只是一味盲撑中国。。。

sunlikwong

回復 bucchara #14 的帖子

多謝師兄耐心解釋咩野係政治!

我話冇去GOOGLE 單新聞, 不過都有GOOGLE 吓同埋百度一下咩野叫做政治. 基本同師兄講o既差唔多.  不過, 睇完都係唔識分, 可能真係一體面喇, 又或者可以被有心人混為一談喇. 我諗係小弟冇政治慧根啩...

至於師兄話朱凱廸o既行為係惡劣行為, 我諗呢點係師兄o既判斷, 我絕對尊重, 不過亦麻煩師兄尊重下小弟, 如果師兄有心敎小弟, 或者同小弟討論問題, 唔該師兄唔好用D侮辱人o既字眼或者花名.

我知四台好多呢種回帖, 各師兄鍾意用呢種方法去討論, 我冇異議,  不過小弟唔係好鍾意咁樣同人討論問題, 麻煩師兄回小弟帖時忍下口 (其他帖就適從尊便), 如有得罪, 請見諒!