無吉士痰罐盅扮勁點知衰收尾

hahayee · 發表於 2017-4-3 13:07:26

眾所周知，早前特首選舉，自決派都幾buy胡官國興。可惜，胡官同曾俊華票源好近，在肥金主黎智英吹雞下，好乖嘅泛民仔個個站好隊支持John曾，肥金主、劉細良之流更加博晒命抹黑胡官係鬼，結果累胡官變成笑話。在特首選舉投白票的香港眾志主席羅冠聰路見不平，在Facebook拔「Po」相助，仲點名要黎智英向胡官道歉，豈料卻鬧出大笑話。

難得有霸氣結果衰收尾
事緣胡官獲反對派支持入閘，好開心好高興，但選舉進入直路階段，睇見John曾選情唔係好掂，泛民主腦肥佬黎長篇大論寫文抽擊胡官，舉了這樣那樣的藉口，超高調質疑胡官係鬼，要鎅John曾票云云。時事評論員、薯粉之一的劉細良都唔執輸，自稱「由Day one開始就已經說胡官係鬼」，又串撐胡官入閘者，「嗰啲因為政綱而支持胡國興的係白痴、堅離地」。

選舉結果如何？大家有目共睹了，就算冇胡官鎅票，John曾都係贏唔到林鄭，足見肥佬黎、劉世良之流枉作小人好醜怪。而因為投白票而被薯粉追殺的羅冠聰近日便因此在Facebook發帖大鬧劉細良，自言「呢件事我好執着，一個評論員要為自己說話負責，我要見到一個公開道歉為止」，而且仲點名叫埋黎智英道歉。

身為反對派的羅冠聰竟夠膽挑機肥佬黎咁霸氣？小編以至廣大網民都拍手叫好，連激進本土派KOL盧斯達都不得不寫個「服」字……誰知話口未完，該Post很快就變了「Friends only」，只有朋友睇到。

肉酸兼核突網民齊恥笑
出完即收光速淆底咁肉酸，網民紛紛恥笑羅冠聰好明顯係驚咗肥佬黎，唔敢得罪金主。有網民抽乾晒水，指羅冠聰「擺明係唔想得罪金主，但Del（刪除） post又太明顯太核突。好心佢喺逞一時口舌之快之前，認清自己立場先啦！……靠黎智英吃飯，只能夠限於黎智英式敢言，所爭取的都不過是黎智英式民主！」

羅冠聰聞言發老脾反擊，指「延續鬥爭格局，清算所有反對聲音後，就是和諧的太平盛世」。結果引來知名左膠林忌揶揄：「求仁得仁……我真係恭喜你呀！」就連粗口教師林慧思都助攻：「『我真係恭喜你呀！』睇完笑咗。」

羅冠聰家陣真係「朱八戒照鏡，裡外不是人」，為五斗米折腰，做議員做到咁冇尊嚴，不如安心等DQ，做返個電競廢青好過啦﹗