林鄭想「挖角」阿聰拍片：搵到個好老闆唔客易

kinsoncc · 發表於 2017-3-16 11:02:40

奶媽本想暗指鬍鬚民望高只係因為有個好助手幫佢, 但冇想過咁樣等如幫對手營造一個信任下屬的形象, 間接肯定了對手一直強調的凝聚力口號.

三名特首候選人昨晚出席《2017行政長官選舉辯論》，期間林鄭月娥大讚曾俊華有一名很好的政治助理羅永聰（阿聰）協助管理Facebook，更公然「挖角」。曾俊華今日隨即在Facebook上傳阿聰的「拍住上」短片，阿聰在短片中力撐曾俊華，讚揚對方是一名信任下屬、願意聆聽別人意見及接受批評的老闆。

　　阿聰在短片中表示，打工仔要找到一名好老闆、信任你的老闆不容易，「好好彩依幾年我遇到一個」。他指出，以前在財政司長辦公室共有三名助手，曾俊華經常說，「就算我比你哋每一個人叻都好，都唔及你哋三個人加埋」。他又大讚曾俊華願意相信下屬，亦願意接納他們的意見，即使被批評亦不會生氣，「我們經常肆無忌憚咁批評他，例如話點解他又兜圈唔答問題」，但他都很接受意見，並盡力改善。

阿聰又指，自己加入政府工作後曾經感到洩氣，但曾俊華開導他指「你改變嘅唔係一個同事，係一個已經行咗過百年的香港政府官僚制度。唔能夠今日話改變，聽日就做到，改變係有一個過程」。他又讚曾俊華有心去變革，但同時亦會明白需要有耐性及有方法，否則只會是「撼頭埋牆」。

　　阿聰最後更寄語曾俊華，指作為一個從政的人，最重要的不是做到甚麼或得到甚麼，「而係普羅百姓點樣記得我哋，How people remember you。你已經做到了」。

　　羅永聰為曾俊華的前政治助理，他獲港大法律學士及新聞碩士，曾任《明報》採訪主任。他於2012年出任財政司司長政治助理，於去年12月辭任，現時在曾俊華競選團隊內工作。