去除垃圾桶異味的8個貼士

馬仔05 · 發表於 2016-12-10 20:43:02

垃圾桶來講呢，每個屋企都會有，相信在座每位朋友都遇到垃圾桶有異味呢個問題，垃圾桶接納各種棄置物，每日都會被細菌、病毒包圍，從而污染室內環境，成為細菌病毒嘅污染源頭。

其實，想減少垃圾桶異味除咗勤倒垃圾、清洗垃圾桶之外，係種類同擺放方面都要留意，以下裝修佬同大家分享垃圾桶去除異味嘅方法。

1. 購買垃圾桶時，儘量選擇不鏽鋼同竹編材質，目前市面上一啲垃圾桶由於塑膠材質來源不清，可能會帶有放射性物質或有害揮發性物質，存在一定嘅健康隱患，但不鏽鋼同竹編嘅少有此類問題，亦容易清洗。

2. 細啲嘅垃圾桶，可以促使人勤倒垃圾，縮短咗病菌滋生時間。

3. 喺垃圾桶內或垃圾桶蓋嘅背面放三個樟腦丸（臭丸），唔單止可以除臭，仲可以令蟲仔敬而遠之。　　

4. 喺垃圾箱嘅底部鋪一層報紙，將兩三包乾燥劑放係報紙上面，乾燥劑可以吸收垃圾中嘅水分，無水分嘅垃圾就無法蒸發出氣味。　　

5. 攞舊絲襪用碳自製碳包，掛係垃圾箱嘅蓋上面,或者用膠帶將碳包黐係上面，碳有消臭除濕作用。　　

6. 從放置來講，屋企垃圾桶放2個就夠了，放多咗既佔地方，又增加污染比例，一般廚房、客廳各放一個便可。

7. 廁所馬桶如果沖水功能較好嘅話，廁紙可以直接沖走，無必要再放垃圾桶了。　　

8. 盡量用有蓋嘅垃圾桶，放係通風較好嘅地方，以便及時散去垃圾產生嘅氣味。