八年 無限咪電池保養 蔗渣 混能車 現代IONIQ 25萬有找

google22

仁孚代理 放心一D. 现代汽車

以上影片乃youtube提供,與本站無關; 若無法觀看,可查看原網址。

呢部係第一部輸港嘅韓國油電混能車，車名正確發音係「艾安歷」，千其咪讀錯。講返呢部新車，佢嘅設計同現行嘅i系完全唔同，車頂有明顯水滴形線條，令佢嘅有極出色嘅Cd0.24風阻值，同時車長近4.5米，難怪車廂咁闊落。另外廠方為咗實踐資源再用嘅環保理念，車廂入面都用咗好多由蔗渣、火山石，木材等製造嘅組件。至於呢套混能系統，就係由一副105匹嘅Kappa 1.6公升引擎結合43.5匹摩打所組成，平均油耗係非常誇張嘅29.4km/L，未計discount都唔使五毫子一公里，超吸引。另一個吸引位係售價，只係賣25萬有找，而且為咗令顧客買得放心，廠方仲為佢地舊「非 三星製造 」嘅鋰電池提供埋  八年無限公里保養，呢部韓國混能車，又真係幾吸引喎！

parma

勝在夠平

henry1328

蔗渣價錢，燒鵝味道

髮廊公

車價仲係其次，最重要係個電池，換一次係好鬼貴，我朋友架 Lexus RX300h，換電要成十皮野架。

google22

回復 髮廊公 #1 的帖子

所以  今次 講明 包 8 年

髮廊公

google22 發表於 2016-11-17 10:53
回復 髮廊公 #1 的帖子

所以  今次 講明 包 8 年

「包八年」真係可圏可點，要真係打柴，定係充電不足某個 % 就可以換電？我冇睇過合約條文，不過，個人認為多數係要完全打柴至可以免費換，但實際情況就只係充電不足，我朋友架車就係因為咁而自已科水換電。

希望係我理解錯誤，如果有錯，請師兄更正、指點。

carhin

平平地唔錯選擇，始终環保、慳油

google22

回復 髮廊公 #6 的帖子

同意 ching 睇法  我揸 豐田 Prius C2012版本 充電池顯示 8成左右.就再上不了.即 在8成存量同 2成間游走.

另一考慮牌費  現代是 1600cc  对手 豐田 Prius C是 1500cc 也是令現代 要平宜才有机會 .
因為 客人先考慮 日後resale value .豐田vs现代.

HKOXSEX

無限咪電池保養, 但係要定期maintenance , 好多時過多,
重要跟 schedule 換電池 (ie 5 可用雜牌)

macmak

電池八年無限公里保養咪好抵

髮廊公

回復 google22 #8 的帖子

呢個就係重點。

電池只可充電 80% 算唔算壞？有冇得免費 / 優惠價換電？定係要好似〝唉瘋〞咁，三年內電池只可充電 60% 至可以免費換電？

「包八年免費保養」聽落係好吸引，不過都要睇清楚保乜嘢，同埋點樣為之保養先？好多時檢查一下就當係保養架喇。

我買 Lexus ES200 嘅時候都係話免費保養包埋免費換機油，連油隔都係免費，到真係開架車入廠檢查，至話免費機油冇咁好，想架車行得順就自費買一樽喇。挑！

髮廊公

HKOXSEX 發表於 2016-11-17 13:12
無限咪電池保養, 但係要定期maintenance , 好多時過多,
重要跟 schedule 換電池 (ie 5 可用雜牌)

定期入廠檢查已經係我個人習慣，問題重點係點樣定義個電池係壞，而可以獲得免費更換？

站在消費者立場，好可能充電不足 95% 就已經覺得係壞，但係車行可能認為充電不足 50% 至屬於有問題。所以買車前一定要問清楚，同埋睇清楚合約至好買。

始終韓國車冇乜二手市場，架車真係跟自己一世，小心為上。

google22

回復 髮廊公 #1 的帖子

明白 英之傑,大昌,森那美 仁孚代理 就是代理 谷業績. 暫時香港只有 福士是厂直做銷售.