老鴿帶李卓人訪漢奸黎密斟攪局

肥叔叔 · 發表於 2016-10-15 11:23:15

政Whats噏：老鴿帶李卓人訪漢奸黎密斟攪局
10月14日(五) 22:29

【on.cc東網專訊】一向同泛民主派關係千絲萬縷嘅壹傳媒黎智英(漢奸黎)離港2日後，今日下午3點終於返回何文田寓所，估唔到佢櫈都未坐暖，
就「急召」民主黨(白鴿黨)老鴿「AV仁」何俊仁、「高達」李永達及工黨李卓人到其寓所「面聖」。李卓人在早前立法會選舉中慘敗，
莫非漢奸黎同一眾有份攪局嘅老鴿為李卓人安排一場豐盛嘅安慰夜宴？抑或係趁立法會開鑼，又密謀攪局呢？

今日傍晚約6點半鐘，AV仁、高達及李卓人由漢奸黎嘅司機接送到其何文田寓所，3人在車上言談甚歡，有講有笑，李卓人嘅心情亦似乎已經由敗選中平復過來。
3人在漢奸黎寓所密會超過3小時，直至晚上9時半先至一齊坐七人車離開。其中李卓人同高達都已經飲到面紅紅同醉醺醺，而且笑容滿面添！兩人咁開心，
究竟係因為餐飯好好食吖？定係漢奸黎有好嘢益佢哋呢？

話時話，呢餐係漢奸黎請嘅安慰夜宴都唔出奇，事關如果唔係漢奸黎選舉前力谷白鴿黨新丁，都唔會令咁多老將落敗，
雖則漢奸黎投票當日都有利用旗下媒體幫李卓人大力宣傳，但都為時已晚，返魂乏術，無法阻止李卓人慘敗，要執包袱離開立法會。
不過，話唔定佢哋已經傾好未來攪局大計，睇嚟漢奸黎寓所以後會多個常客參與密會都未定。

雖然唔係咩新聞, 不過, 每逢佢地出現, 之後都會有新亂局新炒作藉口,
以後漢奸黎屋企, 可以改名叫 (港美辦)