姚松炎引案例反駁「搬人易過搬倉」 侯志強：你引法律...

F1D1S1

1.  今次立法會選舉最大亮點，是選出一位真正熟悉規劃的反建制議員，令建制派在橫州事件完全曝露違反規章操作的典型案例，難怪689近期話佢食難安，瞓唔著。
2.  既然南京條约系不平等，咁應廢左新界丁權。

================================
城市論壇今日討論橫洲發展計劃，建測規劃界候任立法會議員姚松炎引用過去案例，質疑「搬人易過搬倉」的說法，指政府曾引用政府土地收回條例，以法定權力收回棕地，而且不用有安置計劃，亦不用賠足，都有先例。上水區鄉事委員會主席侯志強則反駁，「你引用法律，我又引用1898年南京條約」，指這條不平等條約，令界限街以南及以北有兩套土地法。

姚松炎引用1994年英國樞密院的案例，指當時政府用官地收回條例，收回將軍澳一家鐵廠的土地，而且無提出搬遷安置，亦不賠足，都成功收回。另一案例，則為2000年的終審庭案例，當時政府為公眾利益，運用法定權地，收回新界一幅棕地，亦不需有重置安排，「當年大家又唔出聲，話搬人容易？」

侯志強隨即反駁，「姚生你又搞錯，你引用法律，我又引用1898年南京條約，大家要有歷史，如果不是就不用回歸祖國」，「點解中國要收回香港，因為南京條約這不平等條約。」他指，因為這歷史，界限街以北及南，實行兩套土地法，港島區是佔領區，界限街以北是租借地。

carhin

候志強都講錯Ｄ歷史
1842年鴉片戰争戰敗簽南京條约，割讓香港給英國。
1860年英法聯軍攻入北京，第二次鴉片戰争戰敗簽北京條约，割讓九龍半島(界限街以南)
1898年拓展香港界址專條，即是強租界限街以北土地99年
候志強講新界人歡迎政府收地起樓，但係好明顯元朗班鄉下佬反對政府收佢地Ｄ地，反對埋佢地霸佔棕地經營停車場，貨櫃塲，環保回收站
姚松炎都講香港貨櫃數量近年己減少好多，貨櫃可以存放在貨櫃碼頭內，不用存放露天貨櫃塲
環保回收站可以搬去堆填區附近，無咗停車塲Ｄ私家車會駛去不同地方迫車

patrickssq

回復 F1D1S1 #1 的帖子

南京條約係殖民地時代仲可以講下, 宜家仲講, 真是不知今夕何夕!

PKIP11

請問侯生: 97後香港土地權益係基於基本法, 定係南京條約前嘅法律?

apptest136

一關乎自身利益就嘜都可以講。
俾人踢爆咪話記錯用錯囉。

巨大狗大

真正阻礙起公屋的人，就是侯志強呢班垃圾鄉下佬。

kinsoncc

張局長話d倉有社會功能嘛, 要搬梗係先搬佢眼中冇社會功能的非原村民啦.

kinsoncc

PKIP11 發表於 2016-9-25 22:59
請問侯生: 97後香港土地權益係基於基本法, 定係南京條約前嘅法律?

阿侯生話港英政府萬歲定阿爺萬歲, 純粹睇下有冇數圍, 所以龍門可以搬, 停車場就不能搬.

PKIP11

kinsoncc 發表於 2016-9-28 09:12
阿侯生話港英政府萬歲定阿爺萬歲, 純粹睇下有冇數圍, 所以龍門可以搬, 停車場就不能搬.

1994年英國樞密院案例係97前, 2000年終審庭案例係97後，所以無論佢嗌港英政府萬歲定阿爺萬歲都幫佢唔到