【換N套比堅尼】35E莊端兒壓軸登場

米高奧雲 · 發表於 2016-7-21 13:14:13

前珠寶小姐莊端兒今年加入寫真戰，她推出的寫真集換上多套比堅尼，而且套套都勁性感！大晒佢35E驕人上圍，有濕身瞓沙灘、又有洗車洗到成身泡，真係睇到人熱血沸騰！今日未見現身書展的她，將於明天到書展踩場，不過簽名會則會在星期六（23日）壓軸舉行，她開心表示雖然遲三日先見人，但揚言抽到好籤，莊端兒說：「好籤呀，星期六搞簽名會，假期，多啲人去。（會唔會太遲？）唔會，我呢兩日都會去書展行吓，睇吓反應。」

備紅色戰衣出場

書展競爭激烈，問到如何突圍？她笑說：「老闆（諸葛紫岐）好好，親力親為，幫我揀咗件好性感、好Sharp嘅紅色戰衣去，啲人一望就可以見到我。（會唔會叫齊公司啲人嚟撐場？）都要睇吓佢哋個期，我Fans club都有過百人會支持。」

點名讚孫慧雪崔碧珈

談到今年書展覺得誰是她的勁敵？莊端兒點名提到孫慧雪，她謂：「今年雪雪（孫慧雪）、崔碧珈都好靚，但都唔係勁敵，係百花齊放，我同雪雪仲係同一個攤位，所以唔覺得係打對台，而係互相支持，最好啲粉絲個個都支持啦。」