Dyson無葉風筒 Dyson Supersonic

google22 · 發表於 2016-4-30 09:32:26

Dyson 每款新產品都以嶄新設計為賣點，簽名作包括「無葉式」風扇，今次仲將無葉設計由風扇搬到落風筒，正式發布新一代無葉風筒 Dyson Supersonic，將摩打改為置於手柄位置，喂剩係個樣已經嬴咗。

Dyson Supersonic 外表都係一個七字型風筒，不過筒身就變成「通窿」，傳統發熱線、扇葉等等通通收埋晒，改為採用 Dyson 目前最輕身的 V9 摩打，隱藏於手柄位置，並改良摩打噪音，及將扇葉由 11 加到 13 片；據稱 Dyson 耗資 7,100 萬美元研發 Dyson Supersonic 風筒，103 名工程師參與項目，牽涉超過一百項專利。

風筒加入智能熱控功能，每 20 秒自動測量一次溫度，控制溫度喺最佳溫度約 100 度，避免過熱之餘保護頭髮，減低損害。風筒功率為 1,600W，設有 3 段風速同 4 種溫度，有埋快速吹乾功能，仲支援負離子功能，另外仲具備磁力配件，可以換上三種風嘴，配件更有 Heat Shield 設計，表面點都保持唔燙手咁話。
呢款係威係勢嘅新一代風筒到底幾錢呢？登登登櫈，盛惠 $3,380，預計今年夏季在香港推出，連 2 年免費人工保修與配件更換服務，等唔切嘅話，今日起日本已經率先開賣，有興趣又去開咪睇睇囉。