男人出軌後的5個表現

premier8 · 發表於 2016-3-29 00:30:45

男朋友最近成日話工作好忙，又減少咗見面，連電話都少講，鬼鬼鼠鼠咁，呢個人相當有嫌疑！放心，就算情場老手都會有老馬失蹄的時候，男人出軌都會或多或少留下寫蛛絲馬跡，懷疑男友之前，check下佢有無以下表現喇。

1)電話全天候跟身
男人都是相對比較懶兼怕麻煩的生物，很多男人電話密碼鎖都未必會設定。但當你發現男朋友最近鬼鬼鼠鼠偷蕃薯，就連去廁所都要手中緊握電話的時候，咁就有蠱惑啦。

2)變得沒有耐性
當男朋友對你態度有所轉變，以前無論幾夜都會陪你講電話，依家講唔埋兩句就要收線，而且當你問多幾句就變得不耐煩。就算落力為你好，得不到分數。當感情去到呢個地步就要多加留神喇。

3)更改電話設定
如果男朋友手機密碼是個公開的秘密，而有日你突然發現密碼被改；又或者平時男友電話不斷有朋友whatsapp，而今日突然一個都無，都有可能關閉提示，點解？呢個世上有一種心情叫做作賊心虛。

4)刻意稱讚其他女性
男朋友一反常態，刻意在你面前稱讚其他女人，又或者在你面前跟其他女性打情罵俏，又或者會將你同其他女人比較時候，這個舉動可能是在挑戰你底線，試探你若然知道後會有什麼後果。

5)突然變得忙於工作
男朋友一向都不是有事業心的人，但突如奇來變得忙碌起來，放工時間仍然在公司OT直到深夜。平時鐘意愛回家的男友變得夜歸，電話又唔覆的時候，感情可能已經亮起警號喇。