6年前萬人圍立會　今僅12人

簫邦 · 發表於 2016-3-12 10:28:59

http://hk.apple.nextmedia.com/news/art/20160312/19526607

【本報訊】6年前並肩看直播、一起包圍立法會的萬多人，今天只剩下12個。當年反高鐵停撥款大聯盟成員朱凱迪昨傍晚與戰友衝入立法會，反對通過高鐵追加撥款，對於往日同行者各走各路，他直言明白群眾近年對抗爭感灰心，加上不同派別路線不相容、左翼社運人士被打壓，令昔日萬人和平集會的場面不復見。

不少人揀明哲保身

反高鐵後成立了土地正義聯盟、繼續跟進規劃議題的朱凱迪，認為反高鐵群眾大幅減少的原因很多，「覺得灰心，冇用，同埋分咗好多派系，非我族類搞就唔理」。
朱凱迪明白港人近年參與多次大型抗爭，最終無功而還，自然失落沮喪，「但我自己就有啲嘢低潮時都要頂住，繼續囉，繼續捱住，繼續擺街站，要自己爭氣」。
他同意左翼近年被自稱勇武派的團體窮追猛打，部份人選擇抽身，「畀着第二個人企喺呢度，未必有好唔一樣嘅結果，好多人反而選擇避開，實瀨嘢㗎喎呢啲位、實輸㗎喎呢啲位，好多人唔想背負呢種指摘、標籤，導致好多嘢需要出聲而唔出聲」。
朱凱迪認為，現時港人已經把抗爭焦點轉移到政治上，不少人選擇明哲保身，「社運係撼頭埋牆，明知輸都係去做、去累積，理想主義，但要面對失敗」。對於由逾萬人參與到今天只剩12人，他說「冇乜感觸」，「冇乜好欷歔，大家都喺唔同位置去搵出路，個個都想帶嚟真正改變，我哋係要問自己而唔係問人哋，到底可以點樣empower（賦權）自己」。
中大政治與行政學系高級講師蔡子強則認為，昨日反高鐵行動參與者不多，與當年搞手放軟手腳有關，「佢哋嗰時係搞五區苦行，慢慢累積，𠵱家係接近冇動員，冇build up（集結）」。

以武制暴~
天琦哥,熱狗,~
你地去晒邊